“Fiorentina” hujumchisi Jovanni Simeone A seriya navbatdagi turidan o‘rin olgan “Yuventus”ga qarshi o‘yin oldidan fikr bildirdi.
“Faoliyatimdagi eng yorqin lahzalardan biri Buffonning darvozasiga ikkita gol urganim bo‘lgan, o‘shanda “Jenoa” safida o‘ynardim, — dedi Jovanni. — Biz “Yuventus”ni 3:1 hisobida mag‘lub etgandik. Bu safar ham xuddi shunday natijani takrorlashga intilamiz. Men qachon supermarketga kirsam, meni ko‘rganlar faqat bitta gapni aytishadi: “Buffonga gol ur, “Yuventus”ni mag‘lub et”. Boshqa hech qaysi o‘yindan oldin Florensiyada bunaqa muhit hukmron bo‘lmaydi. “Fiorentina” — “Yuventus” uchrashuvi — haqiqiy san’at. Biz ana shu san’atni “Yuventus” uchun Vaterloo jangiga aylantiramiz”, dedi Jovanni Simeone.
