“Фиорентина” ҳужумчиси Жованни Симеоне А серия навбатдаги туридан ўрин олган “Ювентус”га қарши ўйин олдидан фикр билдирди.

“Фаолиятимдаги энг ёрқин лаҳзалардан бири Буффоннинг дарвозасига иккита гол урганим бўлган, ўшанда “Женоа” сафида ўйнардим, — деди Жованни. — Биз “Ювентус”ни 3:1 ҳисобида мағлуб этгандик. Бу сафар ҳам худди шундай натижани такрорлашга интиламиз. Мен қачон супермаркетга кирсам, мени кўрганлар фақат битта гапни айтишади: “Буффонга гол ур, “Ювентус”ни мағлуб эт”. Бошқа ҳеч қайси ўйиндан олдин Флоренцияда бунақа муҳит ҳукмрон бўлмайди. “Фиорентина” — “Ювентус” учрашуви — ҳақиқий санъат. Биз ана шу санъатни “Ювентус” учун Ватерлоо жангига айлантирамиз”, деди Жованни Симеоне.