Bir paytlar “Barselona” safida o‘ynagan angliyalik sobiq futbol yulduzi Garri Lineker “Mundo Departivo” gazetasiga bergan interv’yusida bugungi “Barselona”ning ko‘rsatayotgan o‘yinlariga to‘xtalar ekan, Maradona va Messini ham solishtirib o‘tishni unutmadi:
“Kataloniya klubi hamisha maydonda 13 kishi bo‘lib o‘ynaydi. Chunki Leo Messi doim uch kishining vazifasini bajaradi. Qachonlardir o‘ylamasdim ham bir kun kelib futbol Maradonadan ham kuchliroq o‘yinchini ko‘radi, deb. Ko‘pchilik Maradonaga ustunlik beradi. Chunki u terma jamoasi bilan chempionlik shoxsupasiga chiqqan. Ammo Messida u erisholmagan ko‘rsatkichlar juda ko‘p. Aytaylik, qator-qator “Oltin to‘p”lar. “Barseloa” Messini kashf etganidan beri shubhasiz jahonning eng yaxshi klubi bo‘ldi”, dedi Lineker.
