“Barselona” Ispaniya kubogi muddatini ko‘chirish borasida Ispaniya futbol federasiyasiga murojaat qilmoqchi. Bu haqda “Diario Sport” xabar tarqatdi.
Gap shundaki, Ispaniya kubogi finali 21 aprelda bo‘lib o‘tishi rejalashtirilgan. Kataloniya klubi agar Chempionlar ligasi yarim finaliga chiqsa, bu muddat ular uchun noqulaylik tug‘dirishidan cho‘chiyapti. Chunki YECHL yarim finali o‘yinlari 23-24 aprel kunlariga mo‘ljallangan. “Barselona” YECHL yarim finali uchrashuvidan uch kun oldin Kubok finalida o‘ynashni istamayapti, bu jamoani charchatib qo‘yishi mumkin.
Bundan tashqari, “Barselona” 15 aprelda La Liga doirasida “Valensiya” bilan, 18 aprelda esa “Selta” bilan o‘ynaydi.
