“Барселона” Испания кубоги муддатини кўчириш борасида Испания футбол федерациясига мурожаат қилмоқчи. Бу ҳақда “Diario Sport” хабар тарқатди.

Гап шундаки, Испания кубоги финали 21 апрелда бўлиб ўтиши режалаштирилган. Каталония клуби агар Чемпионлар лигаси ярим финалига чиқса, бу муддат улар учун ноқулайлик туғдиришидан чўчияпти. Чунки ЕЧЛ ярим финали ўйинлари 23-24 апрель кунларига мўлжалланган. “Барселона” ЕЧЛ ярим финали учрашувидан уч кун олдин Кубок финалида ўйнашни истамаяпти, бу жамоани чарчатиб қўйиши мумкин.

Бундан ташқари, “Барселона” 15 апрелда Ла Лига доирасида “Валенсия” билан, 18 апрелда эса “Сельта” билан ўйнайди.