Angliya chempionati 27-turi doirasidagi bugunga belgilangan bahslar o‘z poyoniga yetdi.

So‘nggi uchrashuv «Sent-Meris» stadionida kechdi va unda «Liverpul» «Sautgempton» mehmoni bo‘lib, 0:2 hisobida g‘alabaga erishdi.

6-daqiqada Salohning uzatmasidan so‘ng Firmino hisobni ochgan bo‘lsa, 42-daqiqada aksincha, Firmino uzatmani amalga oshirdi va Saloh hisobni 0:2 ko‘rinishiga olib keldi.

Mazkur hisob o‘yin yakunigacha saqlanib qoldi va «Liverpul» o‘z hisobiga navbatdagi ochkolarni qo‘shib qo‘ydi.

Sautgempton – Liverpul 0:2 (0:2)

11 fevral, «Sent-Meris»

Gollar: 0:1 – 6 Firmino, 0:2 – 42 Salax.

Sautgempton – Makkarti, Stivens, Bertran, Soaresh, Xudt, Romeu (Devis, 80), Lemina (Bufal, 57), Xeybyerg, Uord-Prouz (Long, 71), Tadich, Karrilyo.

Liverpul – Karius, Matip, Robertson, Aleksander-Arnold, van Deyk, Firmino (Lallana, 79), Oksleyd-CHemberlen (Milner, 60), Salax (Lovren, 89), Veynaldum, Mane, Djan.

Ogohlantirishlar: Matip (37), Djan (47), Romeu (62).