Osiyo chempionlar ligasi 2018 yilgi mavsumining guruh bosqichiga start berildi. O‘zbek jamoalari orasida birinchi bo‘lib maydonga chiqqan "Lokomotiv" klubi ilk turda BAAning "Al-Vahda"sini yirik hisobda g‘alaba qozonishga muvaffaq bo‘ldi.

Yakuniy hisob yirik ko‘rinish olgan bo‘lsa-da, birinchi bo‘lim nisbatan tengkurashlar ostida kechdi. Har ikkala jamoa tomonidan yaratilgan ko‘plab vaziyatlarning bittasini "temiryo‘lchilar" golga aylantirishdi. BAAliklar jarima maydonchasi atrofida to‘p uchun kurashgan Muhammadiyev o‘zi bilmagan holda Nivaldoni birga-bir vaziyatga chiqarib yubordi. Braziliyalik futbolchi o‘z imkoniyatidan samarali foydalanib, hisobni ochdi.

"Lokomotiv" birinchi taymda yo‘qqa chiqarilgan imkoniyatlar o‘rnini ikkinchi bo‘lim startida ortig‘i bilan to‘ldira oldi. 53-59-daqiqalar oralig‘i "Vahda" uchun "qo‘rqinchli tush" bo‘ldi. Dastlab Ikrom Aliboyev maydon markazida raqibini chiroyli tarzda aldab o‘tdi va markazdagi chiziq ustidan zarba berib, to‘pni darvozaga joylab qo‘ydi. Oradan 2 daqiqa o‘tib mehmonlar jarima maydonchasiga uzatilgan to‘pni Salim Sulton o‘z darvozasiga burib yubordi. Nihoyat, birinchi bo‘limning o‘zida zaxiradan maydonga tushgan Sardor Rashidov jarima maydonchasining o‘ng tomonidan zarba berib, "Al-Vahda" darvozasining yaqin burchagini ishg‘ol etdi.

Mazkur gollar amalda o‘yin taqdirini hal qilib qo‘ydi. Qolgan daqiqalarda Miklyayev shogirdlari biroz bo‘shashishdi, ammo Amirlikdan tashrif buyurgan jamoa o‘z imkoniyatlaridan foydalana olmadi. O‘z navbatida, toshkentliklar hisobni yanada yiriklashtirish imkoniyatidan foydalanishdi. Muhammadiyev o‘ng qanotdan yetkazgan uzatmani Aliboyev bosh bilan raqib darvozasiga joylab qo‘ydi — 5:0!

Bugungi o‘yin orqali "Lokomotiv"ning xatolari ko‘zga tashlandi, ammo fevral oyi bo‘lishiga qaramay, jamoa yaxshi shakllanganini namoyish qildi.

OCHL-2018. "V" guruhi, 1-tur
“LOKOMOTIV” – “AL-VAHDA” (BAA) 5:0 (1:0)
Gollar: Nivaldo (25), Ikrom Aliboyev (53, 87), Salim Sulton ash-SHarjiy (55-avtogol), Sardor Rashidov (59)
“Lokomotiv” (O‘zbekiston): 1.Ignatiy Nesterov, 5.Kaxi Maxaradze, 6.Nivaldo (Sardor Rashidov 36), 7.Sadriddin Abdullayev, 9.Ikrom Aliboyev, 10.Marat Bikmayev, 15.Sardor Mirzayev (SHerzod Karimov 83), 20.Islom To‘xtaxo‘jayev, 22.Sanjar Shoahmedov (Igor Yelich 75), 28.SHuhrat Muhammadiyev, 33.Oleg Zoteev
"Al Vahda" (BAA): 50.Rashid Al Suvaydi, 4.Salim Sulton Al Sharji, 5.Muhammad Abdulbosit (Xalil Ibrohim 79), 10.Ismoil Matar, 12.Muhammad Salim, 15.Nosir Abdulxodi, 19.Xolid Ibrohim, 22.Balaj Judjak, 36.Ahmad Salmon, 37.Ahmad Rashid, 42.Muhammad Salmon.
Uchrashuv hakamlari:  Tojo Minoru, Ochi Shinji, Takagi Takumi (barchasi Yaponiya), Chorimurot Qurbonov (Turkmaniston)
Hakamlar nazoratchisi:  Inoyat Masud (Eron)
Uchrashuv komissari:  Chan Ka Chung (Gonkong)