Bugun jamoamiz navbatdagi nazorat uchrashuvida maydonga tushdi. Bugungi roaqibimiz Navoiyning “Qizilqum” jamoasi bo‘ldi, deya xabar beradi qo‘qonliklarning rasmiy sayti.

O‘yin qo‘qonliklarning faolligi bilan boshlandi. Uchrashuv boshida Bahodir Pardayevning zarbasi birozgina noaniq bo‘ldi. Biroz o‘tib qo‘qonliklar yana bir qulay imkoniyatdan foydalana olishmadi. Umuman birinchi bo‘lim davomida har ikki jamoa futbolchilari hujumkor o‘yin namoyish etishdi.

Ikkinchi bo‘limda "Qizilqum"da hisobni ochish uchun yaxshi imkoniyat vujudga keldi. Mirjalol Qosimovning kuchli zarbasi darvoza ustuniga tegib qaytdi.

60-daqiqada Suhrob Berdiyening dastlabki zarbasi darvoza to‘sininga tegib qaytdi, takroriy zarbani darvozabon egallab oldi. Ushbu vaziyatda darvozabon Cheremisinga tasanno u jamoasini muqarrar goldan saqlab qoldi.

66-daqiqada navoiyliklar hujumidan keyin Guja Grigalashvili ikkinchi urinishda raqib darvozasiga aniq yo‘lladi. Ammo qanot hakami to‘p futbolchimizning qo‘liga tekkanligi bois gol bekor qilindi.

Qolgan daqiqalarda har ikki jamoaning hujumlari samarasiz yakunlanishi oqibatida uchrashuv nursiz durang bilan yakunlandi.

Nazorat uchrashuvi.

“Qo‘qon-1912” – “Qizilqum” – 0:0

“Qo‘qon-1912”: 21. Muzaffar Abdullayev, 5. Milan Spremo, 7. Jamshid Hasanov, 10. Javohir Sidiqov, 18. Bahodir Pardayev, 19. Suhrob Berdiyev, 23. Aleksandr Merzlyakov, 70. Quvondiq Ro‘ziyev, 77. Murod Xolmuhammedov, 96. Muhammadanas Hasanov, 97. Oybek Rustamov.

Zaxira: 1. O‘tkir Yusupov, 4. Bahodir Akramov, 8. Sobir Hamidov, 11. Igor Taran, Savili Abramov, 25. Iqbol Malikjonov.

“Qizilqum”: Yevgeniy Cheremisin, Sherali Jo‘rayev, Fayzullo Qambarov, Akmal Rustamov, Muhsin Ubaydullayev, Goja Grigalashvili, Nodir Kamolov, Nemanya Yovanovich, Aziz Usmonov, Erkin Boydullayev, Mirjalol Qosimov.