«Manchester Siti» bosh murabbiyi Xosep Gvardiola jamoa yarim himoyachisi va sardori Bernardu Silvaning mavsum yakunida klubni tark etish qaroriga izoh berdi.

«Men Bernardudan juda g‘azabdaman, chunki bir oy oldin unga shunday degandim: «Agar ketishga qaror qilsang, buni birinchi bo‘lib menga aytishing kerak». U esa haligacha menga hech narsa demadi. Men hazillashib: «Menga xabar ber, men bunga loyiqman», degandim, lekin u indamadi, shuning uchun nima bo‘layotganini bilmayman», — deya Gvardiolaning so‘zlaridan iqtibos keltirmoqda Goal.

Bernardu Silva 2017 yildan buyon «Manchester Siti» sharafini himoya qilib kelmoqda. Ushbu davr mobaynida yarim himoyachi barcha musobaqalarda 450 ta o‘yinda ishtirok etib, 76 ta gol va 77 ta golli uzatmani amalga oshirdi.