«Манчестер Сити» бош мураббийи Хосеп Гвардиола жамоа ярим ҳимоячиси ва сардори Бернарду Силванинг мавсум якунида клубни тарк этиш қарорига изоҳ берди.

«Мен Бернардудан жуда ғазабдаман, чунки бир ой олдин унга шундай дегандим: «Агар кетишга қарор қилсанг, буни биринчи бўлиб менга айтишинг керак». У эса ҳалигача менга ҳеч нарса демади. Мен ҳазиллашиб: «Менга хабар бер, мен бунга лойиқман», дегандим, лекин у индамади, шунинг учун нима бўлаётганини билмайман», — дея Гвардиоланинг сўзларидан иқтибос келтирмоқда Goal.

Бернарду Силва 2017 йилдан буён «Манчестер Сити» шарафини ҳимоя қилиб келмоқда. Ушбу давр мобайнида ярим ҳимоячи барча мусобақаларда 450 та ўйинда иштирок этиб, 76 та гол ва 77 та голли узатмани амалга оширди.