“Barselona” klubi yarim himoyachisi Filippe Koutinyo Portugaliya fuqaroligini olish uchun hujjat tayyorlamoqda.

Braziliyalik futbolchining ushbu mamlakat pasportini olishga huquqi bor, chunki uning turmush o‘rtog‘i Portugaliya fuqarosi hisoblanadi. Juftlikning nikoh qurganiga uch yildan oshdi va Portugaliya qonunlariga ko‘ra, Koutinyo ushbu davlat fuqaroligini olishi mumkin.

Agar futbolchi portugal pasportini oladigan bo‘lsa, “Barselona” yana bir Yevropa ittifoqi pasportiga ega bo‘lmagan legioner futbolchi sotib olish huquqiga ega bo‘ladi. Primera qoidalariga ko‘ra, jamoa asosiy tarkibida uchtadan ortiq YEI pasportiga ega bo‘lmagan futbolchi bo‘lishi mumkin emas. Kataloniyaliklar klubida esa bu joylar Koutinyo, Paulinyo va Yerri Mina kabi futbolchilar bilan band.