“Барселона” клуби ярим ҳимоячиси Филиппе Коутиньо Португалия фуқаролигини олиш учун ҳужжат тайёрламоқда.
Бразилиялик футболчининг ушбу мамлакат паспортини олишга ҳуқуқи бор, чунки унинг турмуш ўртоғи Португалия фуқароси ҳисобланади. Жуфтликнинг никоҳ қурганига уч йилдан ошди ва Португалия қонунларига кўра, Коутиньо ушбу давлат фуқаролигини олиши мумкин.
Агар футболчи португал паспортини оладиган бўлса, “Барселона” яна бир Европа иттифоқи паспортига эга бўлмаган легионер футболчи сотиб олиш ҳуқуқига эга бўлади. Примера қоидаларига кўра, жамоа асосий таркибида учтадан ортиқ ЕИ паспортига эга бўлмаган футболчи бўлиши мумкин эмас. Каталонияликлар клубида эса бу жойлар Коутиньо, Паулиньо ва Йерри Мина каби футболчилар билан банд.
