“Barselona” va “Lion” klublarining sobiq futbolchisi Sonni Andersonning fikricha, Neymar Fransiyani tark etishi mumkin. Bunga uni tinimsiz tanqid qilayotganliklari sabab bo‘ladi.
“Mening fikrimcha, odamlar Neymarni yaxshi bilishmaydi. U “Santos” va “Barselona”da o‘ynaganida ham tanqid qilishardi. “PSJ”da ham xuddi shunday bo‘lmoqda. Neymar dunyoning eng kuchli uchta futbolchisidan biri, mening u kabi o‘ynaydigan futbolchini ko‘rmaganman. Shu bois yomon o‘ynaganida o‘yinini tanqid qilish kerakdir, balki, ammo Neymarning shaxsiy hayotiga aralashmaslik lozim. Agar shunday tanqidlar davom etaversa, Neymar Fransiyadan ketishi mumkin”, dedi Anderson.
