“Barselona” klubi yarim himoyachisi Ivan Rakitich jamoadoshi Lionel Messi haqida iliq fikrlar bildirib o‘tdi.
“Bizning o‘yinimiz qanday bo‘lishi aynan Messiga bog‘liq. Hatto uni tushunish uchun gapirish ham shart emas.
Messi – futbol tarixida eng yaxshi futbolchi. U bir soniya ichida o‘yinni umuman o‘zgartirib yuborishi mumkin.
Messi juda ham kamtar, chunki u hamma uning nima qilayotganini diqqat bilan kuzatishlarini biladi. Leo “Barselona”ga kelganimda menga birinchi bo‘lib, yordam qo‘lini uzatganlardan biri hisoblanadi. U doim mendan qandaydir yordam kerakmi deya so‘rar edi. Messi boshqalardan umuman farq qiladi”, – deydi Rakitich.
