Shvesiyaning “Estersund” klubi prezidenti Daniel Kindberg jamoasining imkoniyatiga yuqori baho berdi. Uning aytishicha, “Estersund” Yevropa ligasining 1/16 finalida “Arsenal”ni musobaqadan chiqarib yubora oladi.
“Biz “Arsenal”ni mag‘lub eta olamiz. Axir o‘zingiz ko‘ring, ayni damda biz qanday formadamiz-u, “Arsenal” qanday formada? Birinchi o‘yin bizda bo‘ladi, keyin esa “Emireyts”ga boramiz. Ishoning, biz “Arsenal”ni mag‘lub etamiz. Balki, Yevropa ligasi finaligacha yetib boramiz, desam, meni ahmoqqa chiqararsiz, ammo bizning maqsadimiz shu”, dedi Kindberg.
