“PSJ” klubi rahbarlari hujumchi Neymarni Parijda saqlab qolish uchun yangi imkoniyatlarni taklif qilishga tayyorliklarini bildirishdi.
El Confidencial nashrining xabariga ko‘ra, parijliklar Neymar bilan 2022 yilda Qatarda o‘tkaziladigan JCH musobaqasining yuzi bo‘lish uchun muzokaralar olib borishmoqda. Braziliyalik futbolchi ushbu kelishuvdan yiliga 50 million yevro ishlab olishi kutilmoqda.
“PSJ”ning qatarlik rahbarlari hozircha ushbu kelishuv bo‘yicha rasman e’lon berishmadi.
Shuni ham aytib o‘tish joizki, Neymarning “PSJ”dagi yillik maoshi 38 million yevroni tashkil qiladi.
