“Lokomotiv” klubi yarim himoyachisi Ikrom Aliboyevning Osiyo Chempionlar Ligasi 1-tur doirasida “Al-Vahda” jamoasiga urgan goli turning “Eng chiroyli goli” deya topildi.
Aliboyevning maydon markazidan urgan goliga bir kun davomida o‘tkazilgan so‘rovnomada 3416 nafar ishtirokchi ovoz bergan. Ikrom Aliboyevga eng yaqin kelgan Ahmad al Hoshimining goliga 3214 kishi ovoz bergan. “Eng chiroyli gol” nominasiyasida yana ikki futbolchi Le Dong Guk (229, 3%) hamda Mislav Orvich (44, 1%) lar ham ishtirok etishdi.
Eslatib o‘tamiz, “Lokomotiv” 1-turda BAAning “Al-Vahda” jamoasini qabul qilib, yirik 5:0 hisobida zafar quchgandi.
Ikrom Aliboyev esa ushbu o‘yinda dubl muallifiga aylangan.














