Bugun “Zob Ahan” – “Lokomotiv” uchrashuvi oldidan bir qator rasmiy tadbirlar bo‘lib o‘tdi. 

Jumladan, har ikki jamoa rasmiylari ishtirokida miting tashkil etildi. Unda “Lokomotiv” jamoasi bosh direktor o‘rinbosari To‘labek Akramov, jamoa administrator Baxtiyor Ismoilov, xalqaro aloqalar bo‘limi mutaxassisi Sardor Akramov va matbuot kotibi Zohirbek Akramoxonov ishtirok etishdi.

Mitingda ertangi bahsini jamoalar qanday rangdagi libosda o‘tkazishlari aniqlab olindi. Unga ko‘ra, “Lokomotiv” futbolchilari “Zob Ahan” bilan o‘yinda maydonga qizil-yashil-yashil libosda chiqib kelishadi. Jamoamiz darvozaboni esa qora-qora-qora libosda harakat qiladi.

Raqib jamoa esa oq-oq-oq rangdagi formada maydonga tushadi. “Zoib Ahan” darvozaboni egnida to‘liq kulrang libos bo‘lishi aniqlab olindi.

 Ta’kidlab o‘tamiz, “Zob Ahan” – “Lokomotiv” bellashuvi ertaga Isfahondagi “Fuladshahr” stadionida bo‘lib o‘tadi. O‘yinning boshlanish vaqti – 17:30.