Angliya kubogi musobaqasning nimchorak finalidan o‘rin olgan “Rochdeyl” – “Tottenxem” o‘yini yakuniga yetdi. Uchrashuvda mehmon jamoa “Tottenxem” irodali g‘alabani yakunda durangga aylantirdi.

Avval o‘yinning 45-daqiqasida mezbonlar hisobni ochishgandi. Ammo Lukas Moura 59-daqiqada debyut golini urib, hisobni tenglashtirishga muvaffaq bo‘ldi. O‘yinning so‘nggi daqiqalarida Xarri Keyn tomonidan amalga oshirilgan penalti “shporlar”ni g‘alaba sari juda yaqin olib kelgandi. Lekin “Tottenxem”ni mag‘lub etishni juda istagan “Rochdeyl” baribir maqsadiga yetdi. Devis tomonidan eng so‘nggi soniyalarda kiritilgan to‘p “Tottenxem”ning rejalarini buzib yubordi va shu tariqa mazkur o‘yin masalasi Londonda hal etiladigan bo‘ldi.

Angliya kubogi. 1/8 final.

Rochdeyl – Tottenxem 2:2 (1:0, 1:2)

Gollar: 1:0 – 45 Xenderson, 1:1 – 59 Lukas Moura, 1:2 – 88, penalti Keyn, 2:2 – 90 Devis.

Rochdeyl – Lillis, Makgexi, Maknalti (Inman, 89), Dileyni, Kitching, Kennon, Don, Kemps, Rafferti (Retboun, 81), Xamfris (Devis, 75), Xenderson.

Tottenxem –Vorm, Foyt, Rouz, Trippyer, Alderveyreld, Sissoko, Uinks (Lamela, 62), Vanyama, Lukas Moura (Alli, 71), Son Xin Min, Lyorente (Keyn, 76).

Ogohlantirishlar: Alderveyreld (64), Rafferti (73), Retboun (85), Makgexi (88).