Namangan shahrida start olgan musobaqada 4 yosh guruhda g‘oliblar aniqlandi. 11 yoshlilar guruhida “Navbahor” futbol klubi qoshidagi “Navbahor” BO‘SMi, 13 yoshdagi guruhda Namangan shahrining “Barkamol” BO‘SMi, 15 yoshlilar guruhida Chortoq tumani BO‘SMi, 16 yoshlilar o‘rtasidagi bahslarda esa Kosonsoy tumani BO‘SMi muvaffaqiyat qozonishdi. Qolgan uch yoshdagi guruhlar musobaqasi fevral oyida o‘tkazilishi rejalashtirilgan.
O‘zbekiston futbol Assosiasiyasining yillik taqvimida belgilangan mini-futbol bo‘yicha Respublika birinchiligi 11 yoshdan 17 yoshgacha bo‘lgan yettita yosh toifadagi guruhda tashkil etilayotganligi haqida xabar berib o‘tgandik.
Maxsus futbol maktab-internetlari, Olimpiya zaxiralari kolleji, Bolalar va o‘smirlar futbol maktablari, Ixtisoslashgan bolalar va o‘smirlar sport maktablari hamda Bolalar va o‘smirlar sport maktablarining futbol tarbiyalanuvchilari o‘rtasida tashkil etilayotgan musobaqaning dastlabki bosqich o‘yinlari Namangan viloyatida o‘z yakuniga yetdi. Bundan bir oy avval mazkur musobaqaning to‘rtta - 11, 13, 16 va 17 yoshlilar guruhlarida musobaqalar bo‘lib o‘tgani va g‘oliblar aniqlanganligini yozgan edik. Kuni kecha qolgan guruhdagi bahslar ham yakunlandi. E’tiboringizga barcha guruhlarning finali va unda qayd etilgan natijalarni havola e’tamiz.
Musobaqalar Namangan shahridagi “Barkamol Avlod”, “Pahlavon”, NOZSK, “Navbahor Umid”, “Yoshlik sport” majmualarida bo‘lib o‘gan musobaqalarda quyidagi jamoalar finalda g‘alaba qozondi:
“Navbahor” – “Kosonsoy” 4:3 (11 yoshlilar)
“Barkamol” – “Navbahor” 2:2. Penalti 2:3 (12 yoshlilar)
“Namangan” – “Barkamol” 2:3 (13 yoshlilar)
“Barkamol” – “Navbahor” 5:3 (14 yoshlilar)
NOZSK – “Navbahor” 3:2 (15 yoshlilar)
“Namangan” – “Chortoq” 1:3 (16 yoshlilar)
“Navbahor” – “Kosonsoy” 2:3 (17 yoshlilar)
