“Manchester Yunayted” klubi yarim himoyachisi Nemanya Matich “Sevilya”ga qarshi uchrashuv oldidan o‘z fikr va mulohazalarini bildirib o‘tdi.

“Sevilya” juda yaxshi jamoa, ayniqsa o‘z maydonida ularni mag‘lubiyatga uchratish har qaysi jamoa uchun qiyin hisoblanadi. Ispaniyalik muxlislar doimiy ravishda jamoalarini qo‘llab-quvvatlashadi. Ular o‘yin boshidan agressiv harakatlanishlarini kutmoqdamiz. Lekin “MYU” bu o‘yinga har tomonlama tayyor bo‘lib boradi.

YECHLda o‘ynayotganimizdan mamnunmiz, bu biz uchun katta sharaf va shu bilan birga dunyo miqyosidagi jamoalar bilan tenglashish uchun katta imkoniyat sanaladi. Birinchi o‘yinda ijobiy natija va darvozamiz dahslizligini saqlash talab etiladi. To‘g‘ri, o‘ylayotganimiz shunchaki amalga oshmasligini yaxshi bilaman, lekin biz ertaga o‘zimizning eng yaxshi o‘yinimizni namoyish etib, g‘alaba qozonmoqchimiz”, – dedi Matich.

Ma’lumot uchun, “Sevilya” – “Manchester Yunayted” uchrashuvi 22 fevral kuni Toshkent vaqti bilan 00.45 da boshlanadi.