“Манчестер Юнайтед” клуби ярим ҳимоячиси Неманья Матич “Севилья”га қарши учрашув олдидан ўз фикр ва мулоҳазаларини билдириб ўтди.

“Севилья” жуда яхши жамоа, айниқса ўз майдонида уларни мағлубиятга учратиш ҳар қайси жамоа учун қийин ҳисобланади. Испаниялик мухлислар доимий равишда жамоаларини қўллаб-қувватлашади. Улар ўйин бошидан агрессив ҳаракатланишларини кутмоқдамиз. Лекин “МЮ” бу ўйинга ҳар томонлама тайёр бўлиб боради.

ЕЧЛда ўйнаётганимиздан мамнунмиз, бу биз учун катта шараф ва шу билан бирга дунё миқёсидаги жамоалар билан тенглашиш учун катта имконият саналади. Биринчи ўйинда ижобий натижа ва дарвозамиз даҳслизлигини сақлаш талаб этилади. Тўғри, ўйлаётганимиз шунчаки амалга ошмаслигини яхши биламан, лекин биз эртага ўзимизнинг энг яхши ўйинимизни намойиш этиб, ғалаба қозонмоқчимиз”, – деди Матич.

Маълумот учун, “Севилья” – “Манчестер Юнайтед” учрашуви 22 февраль куни Тошкент вақти билан 00.45 да бошланади.