BAAdagi yig‘inning 6-kunida "Paxtakor" ikkinchi nazorat bellashuvida maydonga tushdi.
Birinchi liga ishtirokchisi "Al-Hamriya"ga qarshi kechgan uchrashuv to‘lig‘icha jamoamiz ustunligi ostda kechdi. Shota Arveladze bu safar avvalgi o‘yinda maydonga tushmagan futbolchilarga imkon berdi. Uchrashuv boshida raqib birinchi xavfli hujumini gol bilan yakunladi. Shundan keyin ketma-ket xavfli vaziyatlar sodir etgan "Paxtakor" ulardan foydalana olmadi. Sindarov va Hakimovning darvozabon qaytargan bo‘lsa, Yaxshiboyev, Iskanderov va Andreevga salgina aniqlik yetishmadi. 42-daqiqada Ibrohimov to‘pni chap qanotdan darvozabon ustidan oshirib tashlab, muvozanatni tikladi.
Ikkinchi bo‘lim boshida "Hamriya" yana oldinga chiqib oldi. Shundan so‘ng yaqqol ustunligimiz aks etdi. Ibrohimov, Alijonov, Yaxshiboyev va Hakimov tomonidan kiritilgan to‘plar "Paxtakor"ning 5:2 hisobidagi yirik g‘alabasini ta’minladi.
Navbatdagi nazorat o‘yini 23 fevral kuni o‘tkazilishi mo‘ljallangan.
"PAXTAKOR" - "AL-HAMRIYA" - 5:2 (1:1)
"Paxtakor": Lobanov, Andreev, Kozak, Tojiyev (A’zamov, 46), Alijonov, Sindarov, Rahmatullayev, Ibrohimov, Yaxshiboyev, Iskanderov (Ahmadov, 61), Hakimov.
Gollar: Ibrohimov 42, Ibrohimov 53, Alijonov 61, Yaxshiboyev 75, Hakimov 77.
