Davralar oralig‘ida o‘z tarkibini sezilarli darajada kuchaytirib borayotgan Bekobodning «Metallurg» klubi «Mash’al» jamoasining yana bir futbolchisini o‘z tarkibiga qo‘shib oldi.
Muborakliklarning ishonchli futbolchisi va vise sardori, Zafar To‘rayev yangi mavsumda super ligada «Metallurg» klubi sharafini himoya qiladi. Futbolchi Bekobodliklar safida ijara asosida to‘p suradi.
Muxlislarimizga shuni aytish joizki, To‘rayev huquqiy jixatdan ayni paytda ham «Mash’al» a’zosi hisoblanadi.
Shu bois futbolchining super ligadagi bahslariga omad tilaymiz. Eslatib o‘tamiz bunga qadar «Mash’al»dan Shaxzod Shaymanov «Metallurg»ka o‘tgan edi.
