«Sevilya» klubi bosh murabbiyi Vinchenso Montella YECHL 1/8 final «Manchester Yunayted» jamoasiga qarshi o‘yin borasida gapirib o‘tdi.

«Etarlicha xavfli vaziyatlarni yaratdik va bitta yoki ikkita gol urishimiz mumkin edi. Juda ham alamlisi hisobni ocha olmadik, ammo o‘z o‘yinimizdan mamnun bo‘lsak arziydi.

Ushbu natija bilan keyingi bosqichga har qanday jamoa chiqishi mumkin, ko‘ramiz yaqin ikki hafta ichida nimalar yuz berar ekan. Endi «Atletiko» haqida o‘ylashimiz lozim.

De Xea ajoyib o‘yin o‘tkazdi. Men uning seyvlarining videotakrorini ko‘rmadim, ammo u bugun zo‘r o‘ynadi.

Butun o‘yinni yuqori sur’atda o‘tkazib bo‘lmaydi. Bugun biz aqlli va sabrli o‘yinni ko‘rsatdik, ba’zida biz tezroq o‘ynashimiz kerak edi. O‘yinchilar xotirjamlikka berilishmadi va diqqatini faqatgina futbolga qaratgan edi.

«Sevilya» gol urishi kerak edi, ammo buning har doim ham iloji bo‘lavermaydi. Biz «MYU» jamoasini yutib keyingi bosqichga yo‘l olishga urinib ko‘ramiz», - deydi Montella.