Toshkentdagi yig‘in doirasidagi dastlabki nazorat o‘yinini “Dinamo” jamoasi “Paxtakor” o‘rinbosarlariga qarshi o‘tkazishdi.
Shu kuni murabbiylar shtabi tarkibda bir qator yangi yosh futbolchilarni ham sinovdan o‘tkazishdi. Uchrashuvning 14-daqiqasida tajribali yarimhimoyachi Ilhom Yunusov hisobni ochdi.
Tanaffusdan keyin esa tarkibda qator o‘zgarishlar amalga oshirildi. 70-daqiqada jamoa safida ko‘rikda bo‘lgan Maradona Safarov o‘z goli bilan hisobni 2:0ga o‘zgartirdi.
Uchrashuv yakunigacha esa Jasur Abduraimov qo‘l ostidagi “Paxtakor” yoshlari dastlab penalti, o‘yin yakunida esa durang qayd etilishini ta’minlagan golni kiritishdi, 2:2.
Nazorat uchrashuvi.
Toshkent. 22 fevral (payshanba)
«DINAMO» - «PAXTAKOR» (yoshlar) – 2:2
Gollar: Ilhom Yunusov 14, Maradona Safarov 70 – 78 penalti, 90.
«Dinamo»: Shoxruh Raimov (Rustam Toshturdiyev), Mirkomil Lokayev, Hakimxon A’lamxonov (Firdavs Abdusalimov), Bunyod Isroilov, Elbek Otaqulov (Jasur Ashurov) Akmal Bozorov (Komil Sharofutdinov), Ilhom Yunusov (Jasur Qurbonov), Damir Temirov (Timur Fayzullayev), Mirzabek Joniqulov (Orzu Ahmedov), Maradona Safarov (Farzin Muxtorov), Asomiddin Mamatov (Dilshod Sharofutdinov).
