“Barselona” himoyachisi Serxi Roberto yangi shartnoma imzolagandan so‘ng o‘z taasurotlari haqida gapirib o‘tdi.

“Yangi shartnoma haqida gap ketganda, doim Kataloniyada qolishni istashim haqida o‘ylaganman. Bu jamoa mening hayotim bilan bog‘liq va men yoshligimdan “Barsa” muxlisi bo‘lganman.

Ha, boshqa jamoalar meni sotib olishmoqchi bo‘lishdi, lekin “Barselona”da qolishni afzal deb bildim. Endi 2022 yilga qadar yaxshi ko‘rgan jamoam libosida o‘ynayman. Agar yana shartnomani uzaytiradigan bo‘lsam, juda ham zo‘r ish bo‘lardi.

Umid qilamanki, bu mening “Barsa” bilan oxirgi shartnomam emas. Faoliyatimni xuddi Inyesta va Messi kabi “Barselona”da yakunlashni istayman”, — dedi Roberto.