“Барселона” ҳимоячиси Серхи Роберто янги шартнома имзолагандан сўнг ўз таасуротлари ҳақида гапириб ўтди.
“Янги шартнома ҳақида гап кетганда, доим Каталонияда қолишни исташим ҳақида ўйлаганман. Бу жамоа менинг ҳаётим билан боғлиқ ва мен ёшлигимдан “Барса” мухлиси бўлганман.
Ҳа, бошқа жамоалар мени сотиб олишмоқчи бўлишди, лекин “Барселона”да қолишни афзал деб билдим. Энди 2022 йилга қадар яхши кўрган жамоам либосида ўйнайман. Агар яна шартномани узайтирадиган бўлсам, жуда ҳам зўр иш бўларди.
Умид қиламанки, бу менинг “Барса” билан охирги шартномам эмас. Фаолиятимни худди Иньеста ва Месси каби “Барселона”да якунлашни истайман”, — деди Роберто.
