“Zenit” klubi hujumchisi Aleksandr Kokorin “Seltik” bilan javob o‘yinida (3:0) uchinchi golga mualliflik qildi.
Ushbu gol 26 yoshli forvardning joriy mavsum Yevropa Ligasidagi 9-goli sifatida qayd etildi.
Gap shundaki, Kokorin musobaqadagi to‘purarlar poygasida ikkinchi o‘ringa ko‘tarilib oldi. Rossiyalik hujumchidan “Atletik” to‘purari Aris Aduris bitta ko‘p gol urgan va u ayni vaqtda, musobaqaning yaqqol to‘purari hisoblanadi.
Bulardan tashqari, Andre Silva (“Milan”) va Richmond Boachi (“Srvena Zvezda”) lar 8 tadan gol urishgan.
