"Manchester Yunayted" klubi va hujumchi Antoni Marsial o‘rtasida shartnomani uzaytirish muzokaralari oldinga siljimayapti.
Fransiyalik futbolchining amaldagi sharnomasi 2019 yilning yozida tugaydi. Kelishuvni yana bir yilga uzaytirish mumkinligi ko‘zda tutilgan.
RMC Sport xabariga ko‘ra, dekabr oyida futbolchining agenti "MYU" rahbarlari bilan uchrashgan. Shundan so‘ng klub rahbariyati shartnomani uzaytirish taklifini berishi kerak edi, ammo bunday bo‘lmadi.
37 o‘yinda 11 ta gol urib, 9 ta golga to‘p oshirishga erishgan 22 yoshli futbolchi voqealrning bunday rivojjidan hayron qolmoqda. U kelajagi haqida bosh qotira boshladi va Manchester shahridan uy sotib olish rejasini o‘zgartirdi.
Manbaga ko‘ra, muzokara jarayoniga "Arsenal"dan hujumchi Aleksis Sanchesning kelib qo‘shilishi ta’sir o‘tkazgan.