Myunxen aroportida samolyodan ko‘chib o‘tish vaqtida rossiyalik ismi ma’lum qilinmayotgan erkak polisiya tomonidan hibsga olindi, u Bilbaoga "Atletik" - "Spartak" uchrashuviga uchayotgan edi.
Rossiyalik fanat 51 yoshli angliyalikni do‘pposlaganlikda ayblanyapti. Voqea 2016 yilda Marsel shahrida Yevro-2016 musobaqasi vaqtida bo‘lgan. Kaltaklangan erkakning suyaklari singan va miyasi chayqalgan. Natijada u sun’iy koma holatiga tushirilgan.
Endi rossiyalik fanatni Fransiyada ohir tan jarohati yetkazish va qotillikka urinish aybi bilan 15 yillik qamoq jazosi kutyapti.
Avvalroq, "Spartak"ning ikki fanati Bilbao parvozidan Myunxenda olib qolingani xabar qilingan edi.
