"Manchester Yunayted"ning sobiq himoyachisi Gari Nevillning fikricha, oxirgi ikki o‘yinda jamoaning asosiy tarkibiga tushmagan Pol Pogba ishlashda davom etishi kerak.
"Sevilya"ga qarshi muhim uchrashuvni zaxira o‘rindig‘ida boshlashga Pogba oson ko‘nmagan bo‘lishi kerak. Ammo men "Yunayted"dagi 20 yillik faoliyatimda Pogbadan yaxshiroq o‘yinchilar ham asosiy tarkibga kira olmaganini ko‘rganman. U buni haqorat deb qabul qilmasligi kerak, aksincha, o‘sha buyuk o‘yinchilar kabi ko‘proq ter to‘kishi kerak.
Oxirgi 10-15 yilda bu narsa Runi, Vidich, Evra, Ferdinand, Giggz, Skoulz, men va boshqalarning ham boshiga tushgan. Ular jamoada 400-600 tadan o‘yin o‘tkazib qo‘ygan edilar", - deydi Nevill.
