"Манчестер Юнайтед"нинг собиқ ҳимоячиси Гари Невиллнинг фикрича, охирги икки ўйинда жамоанинг асосий таркибига тушмаган Поль Погба ишлашда давом этиши керак.

"Севилья"га қарши муҳим учрашувни захира ўриндиғида бошлашга Погба осон кўнмаган бўлиши керак. Аммо мен "Юнайтед"даги 20 йиллик фаолиятимда Погбадан яхшироқ ўйинчилар ҳам асосий таркибга кира олмаганини кўрганман. У буни ҳақорат деб қабул қилмаслиги керак, аксинча, ўша буюк ўйинчилар каби кўпроқ тер тўкиши керак.

Охирги 10-15 йилда бу нарса Руни, Видич, Эвра, Фердинанд, Гиггз, Скоулз, мен ва бошқаларнинг ҳам бошига тушган. Улар жамоада 400-600 тадан ўйин ўтказиб қўйган эдилар", - дейди Невилл.