Qishki olimpiya o‘yinlarida xokkey bo‘yicha erkaklar o‘rtasida musobaqa yakuniga yetdi. Rossiya olimpiyachi atletlar va Germaniya terma jamoasi o‘rtasidagi o‘yin muxlislarni katta hayajonda ushlab turdi.

Birinchi bo‘lim so‘ngida ruslar o‘z imkoniyatlaridan foydalanib hisobni ochishdi. Ikkinchi taymda ham ustunlik rossiyaliklar tomonida bo‘lganiga qaramay, nemislar qarshi hujumdan unumli foydalanishdi: yon tomondan berilgan zarba natijasida shayba rossiyalik davrozabon Koshechkinning qo‘lidan to‘rga borib tushdi.

Uchinchi bo‘lim haqiqiy finalga xos bo‘ldi. Bahs tugashiga 7 daqiqa qolganida Gusevning zarbasidan keyin shayba Germaniya terma jamoasi posboni bosh kiyimi (shlem)ga tegib, darvozadan o‘rin oldi. Germaniya terma jamoasi hisobni tenglashtirishi uchun atigi 10 soniya yetarli bo‘ldi — 2:2.

Ushbu goldan ruhlangan germaniyaliklar o‘yin tugashiga 3 daqiqadan biroz ko‘proq vaqt qolganida hisobda oldinga o‘tib olishdi. Boz ustiga, bahs yakunlanishiga 2 daqiqayu 11 soniya qolganida rossiyalik Kalinin 2 daqiqaga maydondan chetlatildi. So‘nggi daqiqalarda Rossiya darvozabon o‘rniga o‘yinchini maydonga tushirdi va 55 soniya qolganida hisobni tenglashtirdi — 3:3!

Over-taym belgilandi. Qoidaga ko‘ra, unda jamoalar bir kishi kam bo‘lib — 5ga 5 o‘ynay boshlashdi. Qo‘shimcha bo‘limning yarmi ortda qolganida Patrik Raymer qo‘pol xatoga yo‘l qo‘ydi. K klyushkasini baland ko‘tarib, raqib xokkeychisining yuziga urib yubordi. Ikki daqiqalik chetlatish Germaniyaga qimmatga tushdi. Kirill Kaprizov raqib darvozasini ishg‘ol qildi va Rossiyalik olimpiyachi atletlarga oltin medalni taqdim etdi.

Pxyonchxan-2018. Xokkey, final
ROSSIYALIK OLIMPIYACHI ATLETLAR - GERMANIYA - 4:3
Gollar: 1:0 Voynov (19:59), 1:1 – Shyuts (29:32), 2:1 – Gusev (53:21), 2:2 – Myuller (53:31), 2:3 – Kagun (56:44), 3:3 Gusev (59:04), 4:3 – Kaprizov (69:40)