Madridning “Real” klubi yozda “Bavariya” hujumchisi Robert Levandovskini sotib olish haqida reja tuzmoqda.

29 yoshli futbolchi myunxenliklar bilan amaldagi shartnomani uzaytirishni istamayapti va faoliyatini “Real”da davom ettirishga oshiqmoqda.

Levandovskining transfer narxi esa 150 million yevroga baholanmoqda va madridliklar narxni pasaytirish uchun Levandovski xaridiga Xames Rodriges transferini aralashtirishmoqchi.

“Bavariya”da ijara asosida o‘ynayotgan Xames Germaniyada uzoq vaqt qolishini aytib o‘tgan.

Eslatib o‘tamiz, germaniyaliklar Kolumbiya terma jamoasi a’zosini “Real”dan 13 million yevro evaziga ikki mavsum uchun ijaraga olishgan. Kelishuvda “Bavariya” Rodrigesni 42 million yevro evaziga sotib olish bandi ham kiritib o‘tilgan. «Bavariya» esa aynan shu kelishuvni amalga oshirishga yaqin turibdi.