Мадриднинг “Реал” клуби ёзда “Бавария” ҳужумчиси Роберт Левандовскини сотиб олиш ҳақида режа тузмоқда.
29 ёшли футболчи мюнхенликлар билан амалдаги шартномани узайтиришни истамаяпти ва фаолиятини “Реал”да давом эттиришга ошиқмоқда.
Левандовскининг трансфер нархи эса 150 миллион еврога баҳоланмоқда ва мадридликлар нархни пасайтириш учун Левандовски харидига Хамес Родригес трансферини аралаштиришмоқчи.
“Бавария”да ижара асосида ўйнаётган Хамес Германияда узоқ вақт қолишини айтиб ўтган.
Эслатиб ўтамиз, германияликлар Колумбия терма жамоаси аъзосини “Реал”дан 13 миллион евро эвазига икки мавсум учун ижарага олишган. Келишувда “Бавария” Родригесни 42 миллион евро эвазига сотиб олиш банди ҳам киритиб ўтилган. «Бавария» эса айнан шу келишувни амалга оширишга яқин турибди.
