Qatar futbol Assosiasiyasi prezidenti Shayx Hamad bin Xalifa Ahmad al-Taniy Umid Ahmadjonovni CAFA (Markaziy Osiyo, Eron, Afg‘oniston futbol Assosiasiyalari) prezidenti etib saylangani bilan tabriklab, maktub yubordi.
Tabriknomada, jumladan, shunday deyiladi: “Qadrli do‘stim! Sizni CAFA (Markaziy Osiyo, Eron, Afg‘oniston futbol Assosiasiyalari) prezidenti etib saylanganingiz bilan chin qalbimdan tabriklayman. Sizga O‘zbekistonda sportni, xususan, futbolni rivojlantirish yo‘lida olib borayotgan ishlaringizda muvaffaqiyatlar tilayman! Ishonchim komilki , Sizning boshqaruvingizda CAFA tashkiloti yanada rivojlanadi hamda yangi bosqichga ko‘tariladi. Bu borada Sizga omad yor bo‘lsin!”
Eslatib o‘tamiz, Shayx Hamad bin Xalifa Ahmad al-Taniy Umid Ahmadjonov bilan o‘tgan yilning 17 oktyabr kuni Qatarda uchrashib, ikki mamlakat futbol assosiasiyalari o‘rtasida o‘zaro memorandum imzolangandi.