Poytaxtimizda World Series of Boxing doirasida janglar o‘tkazilmoqda. O‘zbekistonning Uzbek Tigers va Kubaning Cuba Domadores jamoalari o‘rtasidagi ikkinchi jang yakuniga yetdi.
56 kg gacha bo‘lgan vaznda Shahobiddin Zoirov Robersi Ramires bilan ringga chiqdi. Birinchi raundda Shahobiddinning qo‘li baland keldi. Ikkinchi raundda Ramires ustunlik qildi.
Uchinchi raundda Shahobiddin yana faollashdi va ajoyib jang o‘tkazdi. To‘rtinchi raund ham Zoirov ustun bo‘ldi. Shahobiddin so‘nggi raundda g‘am ustunlikni bermadi.
Yakunda hakamlar Zoirovning g‘alabasini e’tirof etishdi — 3:0 (49:46, 49:46, 49:46).
Hozircha oldindamiz. Uzbek Tigers - Cuba Domadores - 2:0.
Bugungi janglar:
-49kg: Hasanboy Do‘smatov — Yohannis Argilagos - 3:0 (48:47, 48:47, 48:47).
-56kg: Shahobiddin Zoirov — Robeysi Ramires (49:46, 49:46, 49:46)
-64kg: Iqboljon Xoldorov — Endi Kruz
-75kg: Isroil Madrimov — Arlen Lopez
-91kg: Sanjar Tursunov — Erislandi Savon
