"Manchester Yunayted"ning sobiq futbolchisi Gari Nevill jamoaning hozirgi tarkibi haqida fikr bildirdi.
"De Hea – "MYU"da yagona dunyo darajasidagi o‘yinchi. Kimdir Sanchesni aytishi mumkin, ammo u yangi klubda o‘zining yaxshi o‘yinlarini namoyish qilgani yo‘q. U 5-6 yildan buyon yuqori saviyasini ko‘rsatib kelayotgan edi.
A’lo darajada o‘ynayotgan boshqa futbolchi - bu Antonio Valensiya. Bu yerda uning dunyo darajasidagi o‘yinchi ekani borasida bahslashish mumkin, ammo u 2-3 mavsumdan buyon yaxshi o‘yin ko‘rsatyapti.
Mourinyo Lukaku, Marsial, Reshford va Sanchesdan qanday qilib bir vaqtning o‘zida foydalanishni aniqlab olgani yo‘q. Hujumning chap qanotida kim o‘ynaishi noma’lum. U yerda Marsial o‘ynagan, Sanches o‘ynab ko‘rdi, ammo kutilgan natijani bermadi.
Ularning hammasi hujum markazida bo‘lishni istaydi. Shuning uchun ularning maydonda qanday joylashishlarini kuzatish qiziq. Ular birga o‘ynay olishlarini isbotlashlari kerak", - deydi Nevill.
