"Манчестер Юнайтед"нинг собиқ футболчиси Гари Невилл жамоанинг ҳозирги таркиби ҳақида фикр билдирди.

"Де Ҳеа – "МЮ"да ягона дунё даражасидаги ўйинчи. Кимдир Санчесни айтиши мумкин, аммо у янги клубда ўзининг яхши ўйинларини намойиш қилгани йўқ. У 5-6 йилдан буён юқори савиясини кўрсатиб келаётган эди.

Аъло даражада ўйнаётган бошқа футболчи - бу Антонио Валенсия. Бу ерда унинг дунё даражасидаги ўйинчи экани борасида баҳслашиш мумкин, аммо у 2-3 мавсумдан буён яхши ўйин кўрсатяпти.

Моуриньо Лукаку, Марсиал, Рэшфорд ва Санчесдан қандай қилиб бир вақтнинг ўзида фойдаланишни аниқлаб олгани йўқ. Ҳужумнинг чап қанотида ким ўйнаиши номаълум. У ерда Марсиал ўйнаган, Санчес ўйнаб кўрди, аммо кутилган натижани бермади.

Уларнинг ҳаммаси ҳужум марказида бўлишни истайди. Шунинг учун уларнинг майдонда қандай жойлашишларини кузатиш қизиқ. Улар бирга ўйнай олишларини исботлашлари керак", - дейди Невилл.