“Lokomotiv” bugun Superliga-2018 mavsumi 1-turi doirasida safarda “Qizilqum” mehmoni bo‘ladi. 

Ta’kidlash joizki,  ushbu ikki klub shu vaqtga qadar milliy chempionatimiz doirasida 26ta uchrashuvda o‘zaro to‘qnash kelishgan.  O‘yinlarning 15tasida “temiryo‘lchilar”,  7tasida navoiyliklar g‘alaba nashidasini surishgan.  4ta match esa durang bilan yakunlangan.

“Lokomotiv” ushbu raqib darvozasini 38 marta ishg‘ol etgan va o‘z darvozasidan 18ta gol o‘tkazib yuborgan.  “Lokomotiv”ning “Qizilqum” ustidan qozongan eng yirik hisobdagi g‘alabasi 5:0 hisobida tugagan.

Bevosita “Qizilqum” maydonida kechgan o‘yinlar soni esa 13tani tashkil etmoqda.  Shulardan 5tasida “Lokomotiv”,  yana 5tasida “Qizilqum” zafar quchgan.  3ta o‘yin esa durang natijasida nihoyasiga yetgan.