Andijon viloyatida bir haftadan ziyod davom etgan “Viloyat hokimi kubogi-2018” turniri kecha nihoyasiga yetdi.

12ta jamoa uch guruhda kurash olib borgan musobaqaning yarim finalida “VBO‘FM” hamda “O‘zTongXongKo” jamoalarini yenga olgan “Andijon” va “Iftixor” jamoalari hal qiluvchi bahsda o‘zaro kuch sinashishdi. Murosasiz kurashlar ostida o‘tgan bahsda “Andijon” jamoasi Davron Isoqov goli evaziga 1:0 hisobida g‘alaba qozonib, ketma-ket ikkinchi bor “Viloyat hokimi kubogi”ni qo‘lga kiritdi.

Final o‘yinida jamoalar sharafini quyidagi futbolchilar himoya qilishdi:

“Andijon”: Javohir Qilichev, Siroj Hamroyev, Qahramon Muhammadjonov, Xushnud Avilov, Ibrohim Otaxonov, Eldor Boymatov, Sunnatilla Mamadaliyev (Ma’ruf Zokirjonov), Kenja To‘rayev (Obid Hakimov), Shaxboz Jumaboyev, Sunnat Abdullajonov, Davron Isoqov.

“Iftixor”: Ilhom Jumanov, Hasanboy Ergashev, Tursunboy Husanov, Muhiddin Yusupov, Asror Tilavoldiyev, Renat Muxametshin, Said Abdujabborov, Orif Mamajonov, Umid Matmusayev (Jasur Quvataliyev), Asad Ma’murov (Rafa Luka), Oyatillo Muhiddinov.

G‘olib va sovrindor jamoalar qimmatbaho esdalik sovg‘alari va “Hokim Kubogi” bilan taqdirlandi.