«Barselona» yetakchisi Yevropa futbolining klublar o‘rtasidagi asosiy turnirida jami 35ta raqibga qarshi o‘yinlarda ishtirok etgan va ulardan atigi 6tasi darvozasini ishg‘ol qilolmagan, xolos.
Boshqacha aytsak, buyuk Leo CHLdagi 35ta raqibdan 29tasiga gol tortiq etgan - ajoyib ko‘rsatkich. Argentinalik yulduzning ayniqsa, «Chelsi» darvozasiga yo‘l topishda rosa qiynalganini ta’kidlash joiz.
Harqalay, londonliklar naq 8ta o‘yinda Messiga gol urish imkonini berishmagandi. Biroq hisob bo‘yicha 9-o‘yinda ojiz qolishdi, baribir. «Chelsi» va Messi o‘rtasidagi ilk to‘qnashuv 2006 yilning 22 fevral kuni aynan 1|8 final doirasida kuzatilgandi.
«Barsa» javohiri «Stemford Brij»da bo‘lib o‘tgan o‘sha uchrashuvda ideal darajada harakatlangan bo‘lsada, maydonni golsiz tark etgan. Leo «aristokratlar»ga qarshi kechgan keyingi 7ta o‘yinda ham chakki ko‘rinmadi aksariyat hollarda, ammo...
U bu orada darvoza ustunlariyu, to‘sinini nishonga oldi, hattoki, penalti tepish huquqi ham naf bermadi. Nihoyat, 20 fevral kuni «Chelsi»ning Messini zararsizlantirish seriyasiga chek qo‘yildi - Leo «Stemford Brij»da o‘yinning 75-daqiqasida o‘z uslubida gol urib, CHLda zarbasidan jabr chekkan klublar sonini 29taga yetkazib qo‘ydi.
Yevropa Chempionlar Ligasida Lionel Messiga gol urish imkoniyatini bermagan 6ta klub
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
