Hakamlar eksperti, sobiq hakam Itturalde Gonsales Ispaniya chempionatida "Las-Palmas" - "Barselona" uchrashuvidan so‘ng (1:1) bosh hakam Mateo Laosni hakamlikdan chetlatish taklifini olg‘a surdi.
Uchrashuv tugagan zahoti La liga hakamlar qo‘mitasi majlis chaqirdi va "Las-Palmas" darvozaboni "qizil kartochkaga munosib ekani" haqida yagona fikrga keldi. Laos darvozabonga kartochka ko‘rsatmagan.
Itturaldening so‘zlariga ko‘ra, Matteo Laos bunda ikki marta xato qilgan. Birinchidan, jarima maydoni tashqarisida qo‘li bilan o‘ynagani uchun darvozabonga qizil kartochka ko‘rsatmagan. U Luis Suaresning yo‘lini to‘sib qolgan. Bu yaqqol chetlatish. Ikkinchidan, "Barselona" darvozasiga belgilangan penalti ham Laosning qo‘pol xatosi.
