Madridning “Real” klubi bugun, 3 mart kuni Ispaniya chempionatining 27-tur doirasida o‘z maydoni “Santyago Bernabeu” stadionida “Xetafe”ni qabul qiladi.

“Qirollik klubi” bosh murabbiyi Zineddin Zidan mazkur uchrashuvda maydonga tushishi mumkin bo‘lgan 19 nafar futbolchi ro‘yxatini e’lon qildi.

Zidan YECHLda PSJga qarshi uchrashuv oldidan yana jamoa yarim himoyasi qo‘rg‘onlari Kross va Luka Modrichni qaydnomaga kiritmadi. Kazemiro, Marselo va Ronaldu kabi yetakchi futbolchilar ham safga qaytishgan.

Quyida “Real”ning bugungi o‘yin uchun kengaytirilgan tarkibi bilan tanishishingiz mumkin:

Darvozabonlar: Navas, Kasilya, Luka Zidan.

Himoyachilar: Karvaxal, Ramos, Varan, Nacho, Marselo, Teo Ernandes.

Yarim himoyachilar: Kasemiro, Lyorente, Asensio, Isko, Kovachich.

Hujumchilar: Ronaldu, Benzema, Garet Beyl, Lukas Vaskes, Borxa Mayoral.

Ma’lumot uchun, “Real” – “Xetafe” bahsi 4 mart kuniga o‘tar kechasi Toshkent vaqti bilan soat 00:45 da start oladi.