"PSJ" himoyachisi Markinyos vatandoshi Neymarni jamoada qolish uchun ko‘ndirishga harakat qilganini ta’kidladi.
"Men undan jamoada qolishni va xotirjam bo‘lishni so‘radim. U biz uchun muhim o‘yinchi. U bizning loyiha, o‘yinchilar va murabbiylarga ishonch bag‘ishlaydi", – dedi Markinyos.
Eslatib o‘tamiz, Neymar jarohat tufayli Yevropa chempionlar ligasining nimchorak final bosqichida "Real"ga qarshi javob bahsini o‘tkazib yubordi. Braziliyalik futbolchi jarrohlik stoliga yotdi va uning to‘liq tiklanishi uchun taxminan 3 oy vaqt kerak bo‘ladi.