«PSJ» yozgi transferlar vaqtida jamoa darvozabonlar pozisiyasini kuchaytirishni istamoqda. Bu haqda Premium Sport nashri xabar tarqatdi.
Manba bergan xabarga ko‘ra, fransuz klubi vakillari Alfons Areolyani navbatdagi mavsum uchun jamoa asosiy darvozaboni sifatida ko‘rmayapti.
Shu maqsadda «PSJ» Janluidji Donnarummaning o‘yinlarini, «Milan»da futbolchi atrofida bo‘layotgan vaziyatlar rivojini diqqat bilan kuzatib bormoqda. Oldinroq «Milan» Donnarummani 100 million yevrodan kamiga sotmasligini bildirgandi.
19 yoshli italiyalik darvozabon bilan birga, parijliklar boshqa bir variant «Chelsi» darvozaboni Tibo Kurtuani sotib olish imkoniyatlarini ham ko‘rib chiqmoqda.
