“Manchester Yunayted” hujumchisi Zlatan Ibragimovich avtoparkini yana bitta mashina bilan boyitdi.

Shvesiyalik hujumchi klub mashg‘ulotlariga yangi avtomobili — “Porsche 911 GT2 RS”da keldi. Ibra bu mashinani 9 mart kuni 233 ming yevroga xarid qilgan. Avtomobil soatiga 340 km/s gacha harakatlanadi.

Zlatan hashamatli mashinalar ishqibozi hisoblanadi. Ayni damda uning kolleksiyasida “Ferrari Enzo”, “Porsche 918 Spyder”, “Porsche 911 Turbo”, “Mercedes SL 55”, “Ferrari 360 Spider”, “Porsche Panamera Turbo”, “Maserati GranTurismo” va boshqa mashinalar bor.