12 mart kuni Osiyo Chempionlar Ligasida 4-tur uchrashuvlari start oladi. Bu safar Toshkentning “Lokomotiv” klubi o‘z uyida Qatar chempioni – “Al Duhail”ni sinovdan o‘tkazadi.
Mazkur uchrashuvni boshqarib boradigan hakamlar guruhi aniq bo‘ldi. Unga ko‘ra, “Lokomotiv” – “Al Duhail” bahsida yaponiyalik hakamlar ishlashadi. Bosh hakam – Kimura Hiroyuki. Unga qanotlarda hamyurtlari Ochi Shinji hamda Nishihashi Isao yordam berishadi. To‘rtinchi hakam vazifasini esa hindistonlik Banerji Pranjal bajaradi.
OFK Chempionlar Ligasi / Guruh bosqich
4-tur / Toshkent. “Lokomotiv” stadioni / 17: 00
“Lokomotiv” (O‘zbekiston) – “Al Duhail” (Qatar)
Uchrashuv komissari: Dong Jeng (Xitoy)
Hakamlar nazoratchisi: Kadhum Auda Lazim al Saidi (Iroq)
Bosh hakam: Kimura Hiroyuki (YAponiya)
Qanot hakamlari: Ochi Shinji (YAponiya), Nishihashi Isao (YAponiya)
Zaxira hakami: Banerji Pranjal (Hindiston)
Ta’kidlab o‘tamiz, “Lokomotiv” – “Al Duhail” qarama-qarshiligi 12 mart, dushanba kuni “Lokomotiv” stadionida bo‘lib o‘tadi. O‘yin soat 17:00da start oladi.
