Milanning “Inter” klubi sobiq hujumchisi Ronaldo jamoaning 110-yillik yubileyiga tashrif buyurdi va o‘z fikrlarini bildirib o‘tdi.

“Men uchun bu yerda bo‘lish katta sharaf va ismim shuhrat zaliga kiritilganidan xursandman. Meni “Inter”dagi “otam” Massimo Moratti va uning oilasiga alohida minnatdorchilik bildiraman. Ular meni “Inter”da “Fenomen” bo‘lishim uchun katta yordamlarini ayashmagan..

Mening davrimda yaxshi o‘yinchi bo‘lish qiyin edi. Biz “Inter” bilan nafaqat raqib jamoa va balki, korrupsiya tizimiga ham qarshi kurashganmiz. Biz bundan ortig‘iga haqli edik.

Jarohat olganimda xafa bo‘lgan va gor urganimda xursandchiligini yashirmagan “Inter” muxlislariga minnatdorchlik bildiraman. O‘sha vaqtlar meni yanada kuchli bo‘lishga undadi. Oldin yo‘qotib qo‘ygan kuchimni qayta tiklashimga bu qarsaklar turtki bo‘lgan.

Jarohatdan qachon forig‘ bo‘lishimni bilmas edim, ammo shu davrlarda yanada kuchli inson bo‘ldim”, — dedi Ronaldo.